محل تبلیغات شما

.



فەڵک کام تیر بێ نەدای نه دەروون             جه کام زامانت شکایەت کەروون


به داخەوە هەواڵوو کۆچوو کاکه باقی شەفێعی ئەژناسیا به سەیادی چی تا و موغاروو ناوەشی کرۆنایەنه پەناما یاوا. کاکه باقی پێسەو کەسایەتیێوە وەرچەمی و دیاری ساڵ های ساڵەن خەریکوو خزمەت کەردەی به فەرهەنگوو ئی وەڵاتەیە بێ مدرامانی و ئەوەسیایی شانەش پەی خزمەتی شێل کەردەبێ و لوا بێ چیروو ئی بارەیە. به ئەرمەرو مووزێوە جه یانەکەووێشەنه به گلێر کەردەی ئاسەوار و کەل و پەلی قەدیمی ئی وەڵاتەیە یاگێوەش پەی خەڵکی وەشە کەردێبێ تا بتاوان ویەردەو وێشا بینان.
هەرپاسە جه ژەنەی شمشاڵیەنه دەسێوە تواناش بێ و فرەو جاران پەی کەسانەی حەسبەشان بێ مەقاموو حەسبەی ژەنێو یانە به یانه بێ چەمداری مادی لوێ.
بەڵام ئانه کاکه باقیش جیاوازتەر کەردە بێ حەول و تەقالای شاعێرانەش بێ که دەساوەش چاپ کەردەو یەرێ ئاسەوارێ به نامێ چوارینی باباتاهێری هەمەدانی به هەورامی، هەوارگەو سەیادی و هەوارگەو خاسان بێ.
کاکە باقیم ئاخر کەڕەت جه دەفتەروو موئەسسەو ئارۆیەنه چەنی کاکه مۆمنی دی ئامە بێ  پەی چاپ کەردەو هەمتەروو چوارینەکانوو باباتاهێری. فرە پەلەش بێ کتێوەکەما چەنی کاکه تارێقی و داده چنوورێ کناچێش یاونا پەنه وێچش دڵش بێ و ئاماده بی بەڵام مەرگ ورینەش نەدا.
موئەسسەو چاپەمەنی ئارۆی شانازی ئانەیەشە هەن کە کتێوو هەوارگەو خاسانوو سەیادیش چاپ کەرد.
 کاکه باقی پاسە وێش باس کەرێ به سەخڵەتوو ژیوا و بە داخەوە مەردەیچش جه بێ دەنگی ناوەشی و کرونایەنە بێ بەڵام ئاسەواریش جه ئارۆی و سەوای جه کتێویانەو کوردەواریەنە هەرەمانەنێ.
پەرسەو سەرەوەشی خزمەتوو بنەوانێ و سەرجەم مەردەمۆداران و هەرپاسە پێڕەو شاعێران و نویسەران پاوەی و هەورامانی و سەرجەم وەڵاتەکەیم  ئەگەر چی نمەتاوۆ ئی خەمیەنه ساڕێژ کەرۆ بەڵکوو تەنیا هام خەمی و دڵئاوایین.

آخرین جستجو ها

دکتر فیض الله نیازی restnisofju corciaticir مجله سرو ولو هیدرولیکی Raguel's game rigiconxamp معماران البرز perchotege centckonmunhu